ԲլոգՇների կերային (սննդային) ալերգիան: Ինչպես բացահայտել նպաստող գործոնները և գտնել համապատասխան դիետաներ

Ձեր շունը անդադար քորում,լպստում կամ կրծոտում է իր մազածածկույթը, իսկ Դուք չեք կարող հասկանալ, թե ինչն է պատճառը: Հնարավոր է Դուք բախվել եք մի շարք խնդիրների հետ՝ սկսած շների մազածածկույթի խնամքի փոփոխություններից մինչև անգամ հիգիենայի պարագաների փոփոխությունը: Բայց ամբողջ խնդիրը կարող է լինել շների կերերի փոփոխման մեջ: Շատ կարևոր է իմանալ,որ անկախ նրանից Ձեր կենդանինն ունի հակում սննդային ալերգիաների, թե ոչ, կարևոր է պահպանել ճիշտ սննդակարգ,կենդանիների խնամք և շների հիգիենա:

Չհաշված ուրիշ ալերգիկ ռեակցիաների շների մոտ, շների կերերը համարվում են գլխավոր գործոններից մեկը, որոնց տերերը շատ հաճախ ուշադրություն չեն դարձնում: Այդ իսկ պատճառով մեր կլինիկայի բժիշկները խորհուրդ են տալիս օգտագործել հիպոալերգիկ կերեր,որոնք պատրաստված են զտվաց սպիտակուցից և հացահատիկ չեն պարունակում: Այդ կերերի շարքին են պատկանում  Carnilove և Brit ապրանքանիշերի կերեը: Շների կերերի սխալ ընտրությունը կարող է հանգեցնել սննդային ալերգիկ երևույթների: Սննդային ալերգիան առաջացնում է խնդիրներ նաև մարսողական համակարգի հետ՝ փսխում, լուծ, մաշկային երևույթներ, վարքի փոփոխություն և այլն: Եթե Դուք և Ձեր անասնաբույժը ունեք կասկածներ, որ այս երևույթը կարող է կապ ունենալ սննդային ալերգիաների հետ, ապա մեր այս նյութը հաստատ կհետաքրքրի Ձեզ:

Շների կերային (սննդային) ալերգիաները կամ կերերի հանդեպ անհանդուրժողականությունը

Սննդային ալերգիաների բուժումը պետք է սկսել մեկ հստակ կետից՝ բացահայտել և հասկանալ կերը,որի նկատմամբ Ձեր կենդանին ունի անհանդուրժողականություն:

Իրական կերային (սննդային) ալերգիան շների մոտ առաջացնում է սննդային սպիտակուցը, որը օրգանիզմի կողմից ստանում է համապատասխան իմունային պատասխան: Հետագայում բջիջների կողմից սկսում է արտադրել հիստամին կամ միացություններ, որոնք առաջացնում են քոր և մնացած այլ ալերգիկ երևույթներ: Մի այլ պարագայում սննդային անհանդուրժողականություն կարող է չառաջացնել համապատասխան իմունային պատասխան: Օրնիակ՝ լակտոզայի անհանդուրժողականություն, որը առաջանում է, երբ շան օրգանիզմը վատ է յուրացնում լակտոզան կաթնային մթերքներում, ինչը հանգեցնում է ստամոքս-աղիքային մի շարք խնդիրների (շատ հաճախ լուծ):

Այսպիսով, կարելի է ասել, որ եթե Ձեր շունը ուժեղ կրծոտում է իրեն, բայց ուրիշ ոչ մի կլինիկական նշան չի նկատվում, այս պարագայում կերային (սննդային) ալերգիան քիչ է հավանական: Բայց նույնիսկ այս պարագայում պահպանելով կերային դիետա, օգտագործելով հիպոալերգիկ կերեր՝ Brit կամ Carnilove ապրանքանիշից, կարող ենք հասնել լավ արդյունքի:

Ինչն է առաջացնում ալերգիա

Ցանկանում ե՞ք իմանալ` ինչն է կերի մեջ նպաստում ալերգիայի առաջացմանը; Այս նյութը Ձեզ հաստատ կհետաքրքրի: Միսը, կաթնամթերքները, ձուն և այլ կենդանական ծագման սպիտակուցները համարվում են ավելի շատ տարածված ալերգիկ գործոններ: Բայց այս պարագայում խնդիրը ոչ թե նշված մթերքներն են, այլ իրենց կազմի մեջ մտնող կենդանական սպիտակուցները: Բայց, իհարկե պետք չէ մոռանալ, որ նման ալերգիկ երևույթներ կարող են առաջանալ նաև մի շարք բանջարեղեններից, քանի որ իրենք նույնպես պարունակում են սպիտակուցներ:

Գենետիկ նախատրամադրվածությունը ալերգիկ գործոնների նկատմամբ

Իհարկե բոլորս էլ գիտենք, թե ինչ մեծ դեր ունի գենետիկ նախատրամադրվածությունը, ինչպես նաև ցեղատեսակների նախատրամադրվածությունը: Ստորև ներկայացնում ենք մի քանի ցեղատեսակներ, որոնք հակում ունեն ալերգիկ երևույթների՝

• Տաքսա
• Բուլդոգներ
• Ոսկեգույն ռետրիվեր
• Գերմանական հովվաշուն
• Մոպսեր
• Պիտբուլներ
• Կոկեր-սպանիելներ
• Շի-Ցու
• Յորկեր

Շների կերային (սննդային) ալերգիաների կլինիկական նշանները

Փռշտոցը,ականջի ինֆեկցիոն հիվանդությունները, քրոնիկ լուծը, թուլությունը, անհանգիստ վիճակը: Շների կերային  (սննդային) ալերգիաների առավել շատ տարածված կլինիկական նշաններն են՝

• Փռշտոցը
• Թաթերի քորը
• Ցան
• Թեփուկներ, մաշկիչորություն
• Մաշկի պիգմենտավորում
• Աչքերից արտադրություն
• Աչքերի կարմրություն
• Մազաթափություն
• Ականջի ինֆեկցիոն հիվանդություններ
• Սնկային, բակտերիոլոգիական երևույթներ

Վերը նշված կլինիկական նշանների ի հայտ գալուն պես, Ձեր կենդանուն պետք է անհապաղ մոտեցնեք անասնաբուժական կլինիկա: Այս պարագայում շատ կարևոր է ճիշտ դիագնոստիկա կատարելը, որից հետո նաև հետևել անասնաբույժի նշանակած ցուցումներին: Առաջնային և շատ կարևոր է կերի ճիշտ ընտրությունը: Հարկ է նշել, որ այն կերերը, որոնք համարվում են հոլիստիկ (Brit,Carnilove), պատրաստվում են զտված սպիտակուցից և պարունակության մեջ հացահատիկ չեն պարունակում, նվազեցնում են Ձեր կենդանու մոտ կերային (սննդային)  ալերգիկ երևույթները: Brit  չեխական հանրահայտ ապրանքանիշը ունի հատուկ ճյուղ՝ Brit care, որը համարվում է ցածր ալերգիկ գործոններով կեր, ինչպես նաև հատուկ՝ Brit veterinary diet Hypoallergenic, որը ցուցված է կերային (սննդային) ալերգիաներ ունեցող շների և կատուների համար: