ԲլոգՏարածված միֆեր ընտանի կենդանիների ստերիլիզացման մասին

Ի՞նչ է ստերիլիզացումը և կաստրացիան 

Մարդիկ հաճախ ստերիլիզացումը շփոթում են կաստրացիայի հետ և կարծում են, որ առաջին վիրահատությունը կատարվում է էգերին, իսկ երկրորդը՝ միայն արական սեռին: Բայց այս երկու ընթացակարգերն էլ կիրառելի են երկու սեռերի կենդանիների համար:Ստերիլիզացման ժամանակ էգերին կապում են արգանդափողերից, իսկ արուներին՝ սերմնածորաններից։ Կաստրացիայի ժամանակ հեռացվում են վերարտադրողական օրգանները՝ իգական սեռի արգանդը և ձվարանները, արուների մոտ՝ ամորձիները։Առաջին վիրահատության տարբերակը այժմ ոչ մի տեղ չի արվում, ուստի գրեթե բոլոր կենդանիները՝ և՛ էգերը, և՛ արուները, ամորձատվում են: Բայց այս հոդվածում, հարմարության համար, կօգտագործենք «ստերիլիզացում» տերմինը։

Ինչու՞ է ստերիլիզացումը կարևոր

Կատուն կարող է տարին երեք անգամ ծննդաբերել՝ միաժամանակ 2-5 ձագ: Հինգ ամսականից սկսած՝ ձագերը նույնպես կարող են սերունդ տալ։ Եթե ​​միջին հաշվով ընդունենք, որ մեկ կատուն կարող է տարեկան 12 ձագ ծնել, ապա երկու տարի անց բոլորը մայր-կատվի հետ միասին կբերեն 67 առանձնյակից բաղկացած սերունդ։8 տարվա ընթացքում մեկ չստերիլիզացված կատվից և նրա սերունդներից կարող են ծնվել 2 072 514 կենդանի։Առանց ստերիլիզացման հնարավոր չի լինի լուծել անտուն կենդանիների խնդիրը:Չնայած դրան, վիրահատության շուրջ կան բազմաթիվ անհիմն մտավախություններ և սխալ պատկերացումներ։

Մարդը բնության մեջ միջամտություններ է կատարել հազարավոր տարիներ առաջ, երբ ընտելացրել է շանը և կատվին և նրանց ընտանի կենդանի դարձրել: Մեր ընտանի կենդանիները բնության մեջ չեն ապրում, այլ տներում և բնակարաններում: Նրանք այլևս գոյատևման բնազդների կարիք չունեն,այլ ընդհակառակը, նրանք կարող են անհարմարություն առաջացնել, փոխել հոգեկանը և հանգեցնել հիվանդությունների, որոնց մասին կխոսենք ստորև:

Երբ կենդանուն տուն ենք բերում, մենք ողջ պատասխանատվությունը  վերցնում ենք մեր վրա՝ առողջության և բարեկեցության համար: Ստերիլիացումը Ձեր ընտանի կենդանուն ազատում է սթրեսից և հիվանդություններից,բարելավում է կյանքի որակը: Այս գործողությունն իրականացնել՝ նշանակում է իրական հոգատարություն ցուցաբերել կենդանու նկատմամբ:Չստերիլիզացված կենդանիները մշտական ​​անհանգստություն են զգում հորմոնալ ալիքների պատճառով: Նրանց մոտ զարգանում են վարքային խանգարումներ՝ անհանգստություն, նյարդայնություն, ագրեսիվություն, անմաքրություն, օրինակ՝ կատուն կարող է սկսել անցնել սկուտեղի կողքով:Ստերիլիզացումը կտրուկ նվազեցնում է հիվանդությունների հավանականությունը։ Առանց վիրահատության, մի քանի կտղանքներից հետո կարող են հայտնվել առաջին առողջական խնդիրները՝ կիստաներն ու ուռուցքային նորագոյացությունները։ Ստերիլիացումը նվազեցնում կամ վերացնում է արուների մոտ ամորձիների քաղցկեղի և շագանակագեղձի, իսկ էգերի մոտ՝ կրծքագեղձի և արգանդի քաղցկեղի առաջացման ռիսկերը:

Ե՞րբ պետք է կատարել ստերիլիզացումը 

Վիրահատությունը խորհուրդ է տրվում կատարել առաջին կտղանքից հետո։ Կատուների համար հարմար տարիքը հինգ ամսականն է, 20 կգ-ից պակաս շների համար՝ մինչև վեց ամսականը, ավելի մեծ ցեղատեսակների համար՝ աճի դադարեցումից հետո՝ մոտ 9-15 ամսականում:Բացի առողջական խնդիրներից, կան նաև այլ ռիսկեր՝ օրինակ, չստերիլիզացված կենդանիները փախչելու հավանականությունն ավելի մեծ են։ Նրանք զուգընկեր են փնտրում՝ բավարարելու վերարտադրման բնազդը. արուն մի քանի կիլոմետր հեռավորության վրա զգում է էգի հոտը և փախչում նրա մոտ:Փախչած ընտանի կենդանիները կարող են կորչել, ընկնել մեքենային տակ և այլն: Նույնիսկ եթե շունը կամ կատուն դուրս չեն գալիս բնակարանից կամ քայլում են միայն վզկապով, այնուամենայնիվ, ստերիլիզացումը կարևոր է:Կատուները դեռ մի հատկանիշ ունեն՝ էգերին գրավելու համար մեզով կամ կղանքով նշում են բնակարանը։ Իսկ կտղանքի ժամանակ կատուները բարձրաձայն մյավում են, ինչպես նաև նշում են բազմոցները, բազկաթոռները կամ հատակը մեզով: Ստերիլիզացումից հետո, շատ դեպքերում, կենդանին կդադարի դա անել:

Ինչպե՞ս է կազմակերպվում ստերիլիզացումը 

Ստերիլիզացումը բարդ վիրահատություն չէ, որի տեխնոլոգիան վաղուց կատարելագործված է և հայտնի է ցանկացած անասնաբույժի: Իսկ ժամանակակից անասնաբուժության բարձր մակարդակը նվազագույնի է հասցնում հնարավոր բացասական հետեւանքները։Վիրահատությունից առաջ անհրաժեշտ է ընտանի կենդանուն ցույց տալ անասնաբույժին, ով կանցկացնի հետազոտություն և անհրաժեշտության դեպքում արյան ընդհանուր և բիոքիմիական  անալիզներ կնշանակի: Ստերիլիզացումը տեղի է ունենում ընդհանուր անզգայացման տակ, ուստի ընտանի կենդանին ոչինչ չի զգում: Սովորաբար, վիրահատությունը տևում է մինչև կես ժամ, և ամբողջ պրոցեդուրան՝ սկսած կենդանուն պատրաստելուց մինչև անզգայացումից դուրս գալը, կարող է տևել մինչև երեք ժամ: