ԲլոգՀարմարավետությունը՝ սկզբում. Կենդանիների համար նախատեսված հագուստի ընտրություն

Հագուստ Ձեր կենդանու համար, ինչքա՞նով է դա անհրաժեշտ

Մարդիկ, ովքեր նախընտրում են դեկորատիվ, փոքրիկ շներ, գիտեն, որ նրանց պետք է հատուկ խնամքով վերաբերվել։ Chihuahua կամ toy terrier, poodle կամ Yorkshire terrier, maltipoo կամ maltese – ահա մի փոքրիկ մինի շների ցեղատեսակների ցանկը, ովքեր հեշտությամբ գրավել են կանանց մեծամասնության սրտերը, կարելի է անվերջ շարունակել: Եվ, իհարկե, բավականին շատ տերեր ծանոթ են այն իրավիճակին, երբ իրենց սիրելի շունը երկար զբոսանքից հետո զվարճալի ծամածռվելու և ուրախ թռվռալու փոխարեն շաղ են տալիս իրենց վրա ցեխ, փոշի և կեղտ։ Հենց այդ ժամանակ էլ սկսվում է լողացման երկարատև գործընթացը։ Խելացի տերերը, իհարկե, փորձում են խուսափել նման խնդիրներից՝ հագցնելով իրենց ընտանի կենդանուն համապատասխան հագուստներ։ Բացի այդ, շների համար հագուստն ինքնին ոչ միայն հուսալի պաշտպանություն է բնության տարբեր արհավիրքներրից, այլև նորաձևության կարևոր հատկանիշ:

Այսօր շատ թրենդային է համարվում կենդանիներին հագուստ հագցնելը։ Եվ, ի դեպ, սա ամենևին էլ նորամուծություն կամ պարզապես տիրոջ քմահաճույքը չէ, այլ էական անհրաժեշտություն և կարևոր դեր։ Եկեք պատկերացնենք, թե ինչ կզգա ձեր շունը՝ իր նուրբ թաթով ոտք դնելով սառը, խոնավ գետնի վրա կամ քամու սառը օդից և անձրևի սառը կաթիլներից:

Ինչու՞ է կենդանիներին անհրաժեշտ հագուստ

Ինչքան բարի են մեր չորքոտանի ընկերները, նրանք սիրալիր են և շատ հոգատար: Նրանք երբեք շատ բան չեն պահանջում, չեն ընդհատում, չեն նեղացնում։ Իդեալական ընկերներ, ովքեր հիանալի հասկանում են մեզ, պատրաստ են զոհաբերել իրենց՝ զգալով ամենափոքր վտանգը և երբեք չեն դավաճանի մեզ։ Մենք, ի պատասխան նրանց նվիրվածությանը, լցնում ենք իրենց կյանքը զանազան համովիկներով, ընտրում նրանց համար լավագույնը: Շատ տերեր իրենց ընտանի կենդանիների համար գնում են ոչ միայն զանազան ընտանի կենդանիների համար նախատեսված ապրանքներ (վիտամիններ, կեր, խաղալիքներ, համովիկներ, կերամաններ), այլև կենդանիների հագուստ, որը դարձել է նրանց կերպարի սիրելի և անբաժանելի մասը: Ոմանք կարծում են, որ «շան» հագուստը պարզապես երիտասարդ աղջիկների քմահաճույքն է՝ նորաձևության միտումներով: Որպես կանոն, այս կարծիքը կիսում են այն մարդիկ, ովքեր երբեք չեն մտածել, թե ինչ է զգում ընտանի կենդանին զբոսանքի ժամանակ, հատկապես վատ եղանակին։

Անհրաժեշտություն կենդանիների համար

Ամենատհաճ և թյուր կարծիքն այն է, որ ոմանց թվում է, թե շան հագուստը պարզապես տիրոջ քմահաճույքն է: Այնուամենայնիվ, դա այդպես չէ: Կարճ մազերով կենդանիները բավականին մրսկան են՝ հատկապես ձմռանը: Շները, արդեն մեծ տարիքում, բավականին հաճախ տառապում են հոդային բորբոքումներով և հոդային հիվանդություններով, ինչպես նաև կերակրող շները կարող են տառապել մաստիտով, այդ իսկ պատճառով նրանց համար կարևոր է և անհրաժեշտ պաշտպանել իրենց կաթնագեղձերը, և դա կարելի է անել հատուկ շների հագուստների շնորհիվ։ Եթե ​​խոսենք երկարամազ ցեղատեսակների մասին, ապա նրանք ավելի շատ խնամք և ուշադրություն են պահանջում զբոսանքից հետո: Երբեմն միայն սանրելը բավարար չէ, և պետք է դիմել լոգանքի պրոցեդուրաների, որպեսզի կարողանաք ազատվել փոշուց և կեղտից։

Իհարկե, շատ տերեր ցանկանում են, որ իրենց ընտանի կենդանին գեղեցիկ տեսք ունենա: Որքա՜ն հաճելի է դրսում զբոսնել գեղեցիկ և մոդայիկ հագուստով: Ժոլի խանութ-սրահներում կարող եք գտնել ամենանորաձև և պահանջարկ ունեցող Ferribiella բրենդային ապրանքանիշի հագուստների լայն և չկրկնվող տեսականին։ Վերջին տարիներին ոճաբանները խորհուրդ են տալիս շների համար գնել ոչ միայն հագուստներ, այլև աքսեսուարներ։