ԲլոգԿերակրման համար կյանքի փուլերը. Ձագերի, մեծահասակների և ծեր շների առանձնահատուկ սննդային պահանջները

Երբ դուք ունեցաք չորքոտանի ընկեր, ուսումնասիրեցիք շների սննդային պահանջները և խոսեցիք ձեր անասնաբույժի հետ՝ որոշելու համար, թե ինչով եք կերակրելու նրան: Բացի այդ, դուք արդեն գիտեք, որ ոչ մի դեպքում չի կարելի ձեր սեղանից ուտելիք տալ ձեր շանը։ Բայց դուք գիտեի՞ք, որ ընտանի կենդանու կարիքները փոխվում են նաև տարիքի հետ: Ձեր շան հետ կապված սննդի տարիքային կարգերը կփոխվեն, սակայն կարևոր է հասկանալ, թե ինչ է անհրաժեշտ ձեր ընտանի կենդանուն կյանքի առաջին ամիսներից մինչև ծերություն:Շները սիրում են խաղալ իրենց տերերի հետ, և դրա համար նրանց էներգիա է հարկավոր։ Ճիշտ սննդանյութերը անհրաժեշտ են շան ճիշտ աճի և առողջ լինելու համար: Մեքենային աշխատանքը իրականացնելու համար գազ (և սպասարկում) է պետք, իսկ շանը շարժվելու համար հատուկ շների կեր  է հարկավոր: Շան սննդակարգը պետք է պարունակի սննդանյութերի տարբեր խմբեր՝ սպիտակուցներ, ճարպեր, ածխաջրեր, վիտամիններ, հանքանյութեր և ջուր: Հավասարակշռված չոր կեր շների համար ընտրելը, որը ներառում է այս սննդանյութերը, կօգնի ձեր ձագուկին աճել, իսկ ձեր մեծահասակ շանը՝ առողջ մնալ:

Նորածին ձագուկներ

Ծնվելուց հետո առաջին մի քանի շաբաթվա ընթացքում ձագերին կերակրում են միայն մայրական կաթով: Այնուամենայնիվ, եթե մայրը հիվանդ է կամ ձագերը որբ են, նրանց կաթին փոխարինող է հարկավոր։ Ձեր անասնաբույժը կկարողանա ձեզ խորհուրդ տալ, թե ինչպես ընտրել նման փոխարինող, ինչպես նաև ինչպես կերակրել նորածին ձագերին, որոնք իրենց մորից կաթ չեն ստանում:Ավելի ուշ նրանք կսկսեն մայրական կաթից կամ կաթնախառնուրդից անցնել ինքնուրույն կերակրման։ Այս գործընթացը սկսելու համար փորձեք կարճ ժամանակով կտրել ձագուկին մորից: Քանի դեռ մայրը կողքին չէ, առաջարկեք նրան մի բաժակ չոր կեր շների համար: Աստիճանաբար ավելացրեք այն ժամանակը, որի ընթացքում ձագուկին նման կեր են առաջարկում, խրախուսեք, բայց մի ստիպեք նրան ուտել։ 

Երիտասարդ շներ

Երբ ձագուկը մորից կտրվի, նա իր բոլոր սննդանյութերը կստանա հատուկ շների համար նախատեսված կերից, այնպես որ անպայման ընտրեք այնպիսի կեր, որը ոչ միայն համեղ է, այլև առողջարար: Երիտասարդ շները ծախսում են շատ էներգիա, ուստի նրանց կերաբաժինը պետք է պարունակի բավարար քանակությամբ սպիտակուց: Այսպես նրանք կմնան եռանդուն և իրենց հիանալի կզգան։ Բացի այդ, սկզբում նրանց անհրաժեշտ է օրական երեքից չորս անգամ կերակրել, հետո աստիճանաբար անցնել երկու անգամվա՝ ավելի մեծ չափաբաժիններով։

Դուք կարող եք սկզբում մի քիչ ջուր ավելացնել շների չոր կերին, որպեսզի ձագուկի համար ավելի հաճելի լինի ծամել, կամ առաջարկեք պահածոյացված կերեր:

Չափահաս շներ

Շների մեծամասնությունը չափահաս է դառնում կյանքի առաջին տարում, ուստի կարևոր է այս պահին նրանց տեղափոխել մեծահասակների համար նախատեսված շների կերին:Մեծահասակ կենդանիների կերաբաժինը կախված է նրանց չափերից և ակտիվությունից: Եթե ​​ձեր ընտանի կենդանուն անհրաժեշտ կերի քանակի վերաբերյալ հարցեր ունեք, դիմեք ձեր անասնաբույժին: Չորքոտանի ընկերոջդ չափից շատ մի՛ կերակրիր:Կյանքի այս ժամանակահատվածում շներին անհրաժեշտ է հավելյալ կեր:Հիշեք,որ չափազանց ակտիվ շունը և ավելի քիչ ակտիվ տնային շունը պահանջում են տարբեր քանակությամբ կեր և սննդանյութեր: Բացի այդ, մեծ շունն ավելի շատ սննդի կարիք ունի, քան փոքր ցեղատեսակի շանը: Ձեր շան համար կերի տեսակ ընտրելիս հիշեք, որ կան նաև այլ գործոններ, օրինակ՝ օդի ջերմաստիճանը, նույնպես ազդում են նրա  սննդակարգի վրա: Ծայրահեղ շոգին կամ սառնամանիքի ժամանակ ընտանի կենդանին ավելի շատ էներգիա է սպառում,որը պետք է համալրվի հատուկ չոր կերերով: Բացի այդ, եթե նա սկսում է կանոնավոր մարզվել կամ, ընդհակառակը, դառնում է ավելի քիչ ակտիվ, դուք պետք է փոխեք ձեր շան կերի քանակը կամ տեսակը:

Մեծաասակ շներ

Մոտ տասնմեկ տարեկանում շունը հասնում է ծերության, բայց այս տարիքը տարբեր է տարբեր չափերի և ցեղատեսակների շների մեջ։ Որպես կանոն, մարմնի վրա ավելի մեծ ծանրաբեռնվածության պատճառով մեծ շները ավելի շուտ են անցնում տարեցների կատեգորիային, քան փոքրերը։ Երբ շունը մեծանում է, նրա մարմնի և սննդային պահանջները նորից փոխվում են: Դրանք նյութափոխանակության և իմունոլոգիական փոփոխություններ են, որոնց պատճառով նրանց սննդակարգը նույնպես պետք է փոխվի։  

Խնդիրներ ունեցող շների կերաբաժինը

Իհարկե,եկեք չմոռանանք նշել նաև,որ կյանքի ընթացքում մեր սիրելիները կարող են հիվանդանալ,կամ ձեռք բերել այնպիսի հիվանդություններ,որոնք կպահանջեն հատուկ կերային սննդակարգ՝ բժշկական կեր շան համար:

Բժշկական կերերը շան համար հետևյալն են՝ gastrointestinal, hepatic, renal, obesity, hypoallergenic, sterilized և այլն: Մեր խանութ-սրահներում կարող եք գտնել հատուկ բժշկական կեր շան համար Brit ապրանքանիշից: