ԲլոգՊարբերաբար անասնաբուժական կլինիկա այցերի կարևորությունը կենդանու առողջության համար

Շների և կատուների կյանքի բոլոր փուլերում անասնաբույժի կանոնավոր այցելությունները շատ կարևոր են: Սա հատկապես կարևոր է, երբ նոր եք տուն բերել ընտանի կենդանուն,քանի որ նա պետք է հատուկ թեստավորումներ անցնի,ճիճվաթափ արվի և պատվաստվի: Շան առողջության կանոնավոր ստուգումները անասնաբուժական կլինիկայում դրական ազդեցություն կունենան նրա աճի ու զարգացման վրա կյանքի տարբեր փուլերում:

Ճանապարհորդություն դեպի անասնաբուժական կլինիկա ձագուկի հետ

Եթե ​​դուք ունեք շան ձագուկ, ապա առաջին բանը, որ պետք է անեք, նրան անասնաբույժի մոտ տանելն է: Առաջին այցը կլինիկա ներառում է ընտանի կենդանու արտաքին զննում, ճիճվաթափություն, կղանքի հետազոտություն, թեստավորում և պատվաստումներ, ինչպես նաև կոնսուլտացիա կենդանիների խնամքի վերաբերյալ:Նախքան կլինիկա այցելելը, նախապես կազմեք հարցերի ցանկը, ինչպես նաև պատրաստեք ընտանի կենդանու առողջության մասին ողջ տեղեկությունը, որը տրամադրվել է Ձեզ բուծողի կողմից: Դուք պետք է վերադառնաք մի քանի շաբաթից՝ հաջորդ պատվաստման համար:  

Երբ ձեր ձագուկը մեծանա, նա այս կամ այն ​​կերպ պետք է այցելի անասնաբուժական կլինիկա ` հիվանդությունների դեպքում, ինչպես նաև կանխարգելիչ հետազոտությունների համար: Ամենամյա այցը կլինիկա թույլ կտա անասնաբույժին կատարել ձեր շան արտաքին հետազոտությունները: Այս գործընթացը ներառում է մարմնի ջերմաստիճանի չափում, սրտի, թոքերի, ստամոքսի, ատամների, աչքերի, ականջների, մաշկի և մազածածկույթի ընդհանուր գնահատում: Կարևոր է շարունակել տարեկան այցելությունները անասնաբուժական կլինիկա, որպեսզի անասնաբույժը կարողանա հետևել ձեր շան առողջությանը և կապի մեջ մնալ Ձեզ հետ:

Ձեր ձագուկին անասնաբուժական կլինիկա տանելու այլ պատճառներ

Բացի տարեկան ստուգումներից, կան մի քանի այլ պատճառներ, թե ինչու պետք է անասնաբուժական կլինիկա այցելել: Քանի որ ձագուկները անհանգիստ և չարաճճի փոքրիկներ են, հնարավոր է, որ նրանք հանդիպեն սովորական հիվանդությունների, ինչպիսիք են՝ ականջի վարակները, միզուղիների վարակները, բակտերիալ վարակները, մաշկի ալերգիաները և աղիների հիվանդությունները: Անասնաբուժական կլինիկա այցելելու մեկ այլ կարևոր պատճառ է շան ստերիլիզացումը, որը նույնպես պետք է համաձայնեցնել Ձեր անասնաբույժի հետ:

Ինչպե՞ս դարձնել արդյունավետ ձեր այցելությունները անասնաբուժական կլինիկա 

Անասնաբույժի մոտ ճանապարհորդությունը կարող է սթրեսային լինել ձեզ և ձեր շան համար: Կլինեն շատ անծանոթ վայրեր, հոտեր, ձայներ, մարդիկ և կենդանիներ, որոնք կարող են շեղել կամ վախեցնել ընտանի կենդանուն: Ահա թե ինչ կարող եք անել, որպեսզի ձեր այցելությունը անասնաբուժական կլինիկա լինի քիչ սթրեսային:

1․Խաղացեք ձեր ձագուկի հետ կամ տարեք նրան զբոսնելու նախքան հանդիպման գնալը: Դա նրան հնարավորություն կտա թոթափել նյարդային լարվածությունը, ինչպես նաև կանխել անասնաբուժական կլինիկայում հնարավոր սթրեսները։

2․Եթե ​​ձեր շունը բավականաչափ փոքր է, մտածեք այն անասնաբույժի մոտ տանել շան համար նախատեսված հատուկ տեղափոխման խցիկով: Նա կպաշտպանի ձագուկին ագրեսիվ կենդանիներից, ինչպես նաև թույլ չի տա նրան փախչել: Եթե ​​նա հիվանդ է, դա նրան հանգստանալու հնարավորություն կտա։ Նաև վերմակ և խաղալիք, որով ձեր ընտանի կենդանին սովորաբար քնում կամ խաղում է, դրեք տեղափոխման խցիկի մեջ, դա կօգնի նրան հանգստացնել:

3․Փորձեք ձեր շանը հանգիստ պահել, մինչ դուք սպասում եք ձեր հերթին: Հաճախ շոյեք նրան և խոսեք նրա հետ հանգիստ ձայնով, որպեսզի օգնեք նրան հանգստանալ: Երբ դուք մտնում եք անասնաբույժի սենյակ, հարցրեք ձեր անասնաբույժին, արդյոք օգնության կարիք ունեք շանը պահելու համար: Կլինիկայի անձնակազմը սովորաբար փորձառու է նյարդային և վախկոտ կենդանիների հետ գործ ունենալու հարցում, բայց եթե կարծում եք, որ շունն ավելի հանգիստ կզգա ձեր գրկում, ապա արժե փորձել:

4․Անասնաբուժական կլինիկաներն ու հիվանդանոցները սովորաբար շատ ծանրաբեռնված են լինում: Եթե ​​ձեզ ավելի շատ ժամանակ է պետք անասնաբույժի հետ խոսելու համար, համոզվեք, որ դա կազմակերպեք ձեր հանդիպման ժամանակ և մի այցելեք կլինիկա ծանրաբեռնված ժամերին:

 

Պարբերաբար տարեք ձեր ընտանի կենդանուն մասնագետի մոտ՝ կշռվելու և հետազոտվելու համար: Որքան հաճախ անասնաբույժը հանդիպի ձեր շան հետ, այնքան նա ավելի լավ կկարողանա հասկանալ նրա կարիքները և Ձեր կենադնին ավելի լավ կզգա իրեն անասնաբուժական կլինիկայում: