ԲլոգԿենդանիների առողջությունը. Կանոնավոր զննումների կարևորությունը, և որքան հաճախ է պետք Ձեր ընտանի կենդանուն այցելել անասնաբույժի

Ըստ Կենդանիների սեփականատերերի ազգային հետազոտության վերջին տվյալների՝ ԱՄՆ-ում ընտանիքների 70%-ում կա առնվազն մեկ ընտանի կենդանի: Թեև ընտանի կենդանուն պահելու անսահման շատ առավելություններ կան, ամենակարևորը՝ կանոնավոր առողջության պապհանումն է, որը պահանջում է կանոնավոր այցելություններ անասնաբույժի մոտ: Կենդանիների վետ կլինիկաների ամերիկյան ասոցիացիան նշում է, որ բոլոր ընտանի կենդանիները պետք է հետազոտվեն առնվազն տարին մեկ անգամ։

Կարևոր է հետևել Ձեր ընտանի կենդանու առողջության ընդհանուր ստուգումներին, հատկապես նրանց կյանքի առաջին տարում, որպեսզի ապահովվեք առողջ աճ և հայտնաբերվեն անհանգստություն պատճառող վաղ կլինիկական նշաններ:Պատվաստումներից և տզերի կողմից փոխանցվող հիվանդությունների բուժումից բացի, այս պարզ կենսակերպի փոփոխությամբ, կանխարգելիչ խնամքի պրակտիկան ապահովում է Ձեր ընտանի կենդանու ընդհանուր առողջությունը՝ նախքան հիվանդության կամ վնասվածքի որևէ կլինիկական նշանի ի հայտ գալը: Տարբեր գործոնների հիման վրա են որոշում, թե որքան հաճախ պետք է հետազոտվի Ձեր ընտանի կենդանին, օրինակ՝ կենդանու տեսակը կամ նրա կյանքի ներկա փուլը: Թեև երիտասարդ ընտանի կենդանիներին ամեն տարի անհրաժեշտ է այցելել կանոնավոր ստուգումների վետ կլինիկա, որոնք կօգնեն հայտնաբերել լուրջ առողջական խնդիրների կլինիկական նշանները, իսկ տարեց կենդանիները պետք է ավելի հաճախ այցելեն՝ ստուգելու և ախտորոշելու մշտական ​​հիվանդությունները:Անասնաբույժի կողմից տրվող ստանդարտ հարցերից մի քանիսը կապված են Ձեր ընտանի կենդանու ճիճվաթափության, մանրամասն բժշկական պատմության, անցյալում կատարված պատվաստումների, ամենօրյա կերի և ջրի ընդունման, վերջին վնասվածքների և այլնի հետ՝ որպես հիվանդության ախտորոշման կարևոր մաս: Կենդանիների տերերից շատերը վախենում են հաճախակի սովորական այցերի վետ կլինիկաների բարձր արժեքներից, ինչը, ի վերջո, ճիշտ չէ: Կանոնավոր այցելությունները կարող են օգնել հայտնաբերել հիվանդության վաղ կլինիկական նշանները և մեծացնել Ձեր ընտանի կենդանու կյանքի տևողությունը:

Մեկ այլ պատճառ, թե ինչու ընտանի կենդանիները, հատկապես կատուները, չեն սիրում այցելել հերթական ստուգումների, դա այն է,որ իրենց համար սեփական տարածքից դուրս գալը մեծ սթրես է համարվում: Վետ կլինիկայում ընդհանուր զննումից առաջ անասնաբույժը նախքան ընտանի կենդանուն զննելը պետք է վերանայի ընտանի կենդանու նկարագրությունը (ցեղատեսակ, տարիք, սեռ) և պատմությունը՝անամնեզը (կեր, առողջական վիճակ, պատվաստումներ, միջավայր, բուծում, հիգիենա և այլն):Առողջական վիճակը ստուգելու համար ընտանի կենդանին կհետազոտվի հիմնվելով՝ մարմնի քաշի, ջերմաստիճանի, սրտի զարկերի և զարկերակի հաճախության, շնչառության հաճախականության և այլնի վրա, ինչպես նաև գլխի և ոտքերի հետազոտություններ հետևյալ կերպ.

Աչքեր և ականջներ

Աչքերում կամ ականջներում որևէ վարակից խուսափելու համար ընտանի կենդանիները պետք է ստուգվեն արտահոսքի, բորբոքման, կարմրության, բբերի անհավասար չափերի և այլնի համար: Եթե Ձեր ընտանի կենդանու աչքերից նկատվում է արտահոսք,դա կարող է լինել,օրինակ,ալերգիկ ռեակցիա:

Ականջներն ու ոտքերը երկու շատ բարդ մասեր են, որոնք անասնաբույժը պետք է ստուգի, քանի որ այդ հատվածները հարմար չեն ընտանի կենդանու համար: Դուք կարող եք շեղել ձեր ընտանի կենդանու ուշադրությունը որոշ դրական ասոցիացիաներով, ինչպիսիք են հյուրասիրությունները, թխվածքաբլիթները, խաղալիքները և այլն: Դրան հետևելը կօգնի Ձեզ սովորեցնել ձեր ընտանի կենդանիներին վստահել ուրիշներին իրենց թաթերը, ականջները և ստուգման կարիք ունեցող այլ հատվածները:

Սիրտ, ստամոքս և թոքեր

Սրտի հաճախականությունը և ռիթմը գնահատելու համար,ինչպես նաև թոքերում ախտաբանական ձայների, շնչառության դժվարության, կրծքավանդակում հեղուկի առկայության համար անասնաբույժը օգտագործում է ֆոնենդոսկոպ:Այս լուրջ ցուցանիշները հաճախ ճնշվում են հազի, շնչառության կամ ընդհանուր էներգիայի պակասով՝ ընտանի կենդանիների կողմից:

Մկաններ

Անասնաբույժները պետք է գնահատեն ընտանի կենդանու մկանները ծանրաբեռնված դիրքում ,ստուգեն կոտրվածքների, շարժման ժամանակ ցավի և այլնի առկայությունը:

Բերանի խոռոչ և մաշկ

Մաքուր բերանի խոռոչը և մաշկը աներևակայելի կարևոր են ընտանի կենդանու առողջության համար: Բերանի խոռոչում ատամնաքարերի ավելորդ կուտակումը կարող է նաև մեծ խնդիր լինել՝ լնդերի կարմրության կամ բորբոքման հետ մեկտեղ, ինչը վկայում է գինգիվիտի մասին՝ բերանում բակտերիաների աճը, որը կարող է վնասել մարմնի այլ գործառույթներին և օրգաններին:Գոյություն ունեն շատ հիգիենայի համար նախատեսված պարագաներ,որոնք կօգնեն խուսափել նման խնդիրներից:

Մի վախեցեք կատարել հերթական ստուգումները, քանի որ ամեն այց շատ կարևոր է Ձեր ընտանի կենդանու բարեկեցիկ և առողջ կյանքի համար: Հետևեք և եղեք առողջ: