ԲլոգՇների կերի պատրաստումը տնային պայմաններում: Առավելություններ, ռիսկեր և հավասարակշռված սննդակարգի բաղադրատոմսեր

Շունը տան և ընտանիքի իսկական հավատարիմ ընկերն ու պաշտպանն է։ Որպեսզի նա առողջ լինի և երկար ու երջանիկ ապրի, շանը պետք է ճիշտ կերակրել: Մեր այս հոդվածում մենք կքննարկենք շների կերակրման հիմնական տեսակները, դրանցից յուրաքանչյուրի առանձնահատկությունները, առավելություններն ու թերությունները, կերակրման ինչ համակարգեր գոյություն ունեն, և կթվարկենք ընտանի կենդանիների համար օգտակար և արգելված մթերքները:

Ինչպես կերակրել շանը տանը. հիմնական կանոններ

Ցանկացած շուն, լինի ցեղատեսակային,թե սովորական փողոցային խառնուրդ, լավ կերակրման կարիք ունի: Շների օրգանիզմը տարբերվում է մարդկանց օրգանիզմից, հետևաբար անընդունելի է ընտանի կենդանուն կերակրել այն ամենով, ինչ ուտում ենք մենք։ Կան մի շարք մթերքներ,որոնք կարող են լուրջ մարսողական խնդիրներ առաջացնել շների մոտ։

Շներին կերակրելու հիմնական կանոնները

1. Չի կարելի տալ սեղանից որևէ սնունդ։ Մարդն օգտագործում է տարբեր համեմունքներով և այլ բաղադրիչներով սնունդ, որոնք կարող են հատկապես վնասակար լինել շների օրգանիզմի համար։
2. Դուք չեք կարող չափից շատ կերակրել կենդանուն: Օրական կերաբաժինը հաշվարկվում է՝ հաշվի առնելով շան տարիքը և նրա ցեղատեսակը։
3. Կերակրումների քանակը՝ ձագերի համար օրական 4-5 անգամն է, իսկ չափահաս շների համար՝ օրը 2 անգամ։ Հղիության, կերակրման (լակտացիայի) և տարբեր հիվանդությունների ժամանակ շանը կարելի է կերակրել օրական 3-4 անգամ:
4. Կենդանու ամենօրյա կերակրումը պետք է լինի նրա օրգանիզմի համար օգտակար սննդանյութերի աղբյուր։ Կերի բաղադրատոմսի 50%-ը պետք է կազմեն մսային և սպիտակուցային մթերքները, մոտ 20-30%-ը՝ հացահատիկայինը, մոտ 20%-ը՝ կաթնամթերքները և 10%-ից ոչ ավելի՝ բանջարեղենները և մրգերը։
5. Ավելի լավ է շանը կերակրել ըստ գրաֆիկի, օրինակ՝ զբոսանքից 1,5-2 ժամ առաջ կամ զբոսանքից մեկ ժամ հետո։
6. Մասնագետները խորհուրդ չեն տալիս շանը կերակրել օրվա ընթացքում։ Լրացուցիչ կերակրումը տեղին է միայն ֆիզիկական պատրաստվածության ժամանակ։
7. Շանը կերակրելուց հետո չկերած կերը չի կարելի թողնել կերամանի մեջ։ Կերամանը պետք է պահել միշտ մաքուր։
8. Եթե տանը մի քանի շներ են ապրում, ապա նրանցից յուրաքանչյուրին պետք է առանձին կերաման տրամադրել՝առանձին կերի և ջրի համար։
9. Ապահովել մշտական մաքուր ջրով:

Շների կերակրումը պատրաստի չոր կերերով

Պատրաստի չոր կերը հարմար արտադրանք է ընտանի կենդանիներին կերակրելու համար, որը չի պահանջում ամենօրյա հոգս՝ պատրաստել և հաշվարկել կերի բաղադրիչները, ինչպես դա պահանջում է բնական՝տանը պատրաստված կերը:

Աշխարհում գոյություն ունեն շների պատրաստի կերերի երկու տեսակ՝ չոր հատիկավոր և թաց՝ պահածոյացված կերեր։ Եթե ​​ընտանի կենդանուն կերակրելու համար ընտրում եք չոր կեր, ապա շատ կարևոր է, որ շան համար միշտ հասանելի լինի թարմ ջուր։

Կենդանիների համար նախատեսված կերերի տեսականին ներառում է տարբեր արտադրողների: Դրանք բոլորը բաժանված են մի քանի կարգերի՝ էկոնոմ, պրեմիում, սուպերպրեմիում և հոլիստիկ։ Մասնագետները խորհուրդ չեն տալիս գնել կենդանիների համար էժան կերեր, որոնք ունեն անորակ բաղադրություն, ինչպես նաև բոլոր տեսակի հավելումներ և արհեստական համային ուժեղացուցիչներ, որոնք վտանգավոր են կենդանու օրգանիզմի համար: Նման խնայողությունները կհանգեցնեն էլ ավելի մեծ ծախսերի՝ չորսոտանի ընկերոջ բուժման համար։

Շների կերերի ընտրության մի քանի կետեր

1. Հաշվի առեք շան տարիքը և քաշը: Բոլոր կերերը պիտակավորված են սանդղակով, թե որ տեսակի կենդանու համար է նախատեսված տվյալ կերի արտադրանքը: Օրինակ, կան հատուկ կերեր ձագերի համար, հղի և կերակրող շների համար, ստերջացվածների և այլն։
2. Ուշադիր ուսումնասիրեք շների կերի բաղադրությունը: Հավանաբար որոշ բաղադրիչներ հակացուցված են հատուկ ձեր շանը:
3. Ուշադրություն դարձրեք արտադրության ամսաթվին, պիտանելիության ժամկետին և կերի պահպանման կանոններին։ Մեր կլինիկայի անասնաբույժները խորհուրդ են տալիս ընտրել պրեմիում, սուպեր-պրեմիում կամ հոլիստիկ (ամբողջական կեր)շների կերեր,որոնք ունեն հավասարակշռված բաղադրություն և օգտակար են կենդանու օրգանիզմի համար:Նման շան կերերի շարքին են պատկանում՝ Brit Premium by Nature, Brit care, Carnilove:

Բնական կերերով շան կերակրումը

Այս տեսակի կերը պատրաստելիս պետք է անպայման հաշվարկել շան համար անհրաժեշտ օրական չափաբաժինը` հաշվի առնելով նրա տարիքը և ցեղատեսակը: Նման կերերով կերակրելը շատ հաճախ կարող է հանգեցնել վատ երևույթների։ Օրինակ՝ անմարսելիություն, փորկապ, փսխում, լուծ և այլն։ Տերերը ոչ միշտ կարող են ճիշտ ժամանակին պատրաստել համապատասխան կեր,օգտագործել թարմ մթերքներ և այլ։ Բնական կերի բաղադրատոմսը ոչ միշտ է դուր գալու Ձեր ընկերոջը։ Նմանատիպ բազմաթիվ օրինակներ հաշվի առնելով՝ անասնաբույժները խորհուրդ են տալիս օգտագործել միանշանակ բարձր որակի կերեր, քանի որ դրանցում արդեն հաշվարկված է օրվա ճիշտ չափաբաժինը,անհրաժեշտ սննդանյութերի քանակը և այլն։